Nun sector que ofrece as peores condicións laborais nos
Estados Unidos naceu Colors, un esforzo colectivo emprendido por traballadores
para lograr traballo digno e condicións de traballo decentes.
Un grupo de traballadores de restaurante que perderon o seu
emprego a causa dos atentados do 11 de setembro de 2001 en Nova York, agora
constrúe o seu propio centro de traballo. O restaurante cooperativa chámase
Colors e busca un nivel de vida digno para os seus traballadores, nun ambiente
"onde teñen igual propiedade e poder sobre as decisións", relata
Cathy Dang, asesora de Colors.
Actualmente, hai dous sitios de Colors, o primeiro en Nova
York e o segundo en Detroit. O Colors de Nova York é un restaurante
cooperativa, o primeiro no seu tipo, propiedade dos traballadores -aínda que os
seus integrantes cambiaron algunhas veces, aínda permanecen algúns dos
traballadores do grupo de 2001-, que tivo un grande éxito entre organizacións
sen fins de lucro e outros aliados.
