Subvencións para persoas emigrantes retornadas que se establezan como autónomos ou como socios de sociedades laborais ou cooperativas

A presente resolución ten por obxecto establecer as bases, que se inclúen como anexo I, polas que se rexerá a concesión de subvencións da Secretaría Xeral da Emigración, en réxime de concorrencia non competitiva, coa finalidade de promover o retorno das persoas emigrantes e dos seus familiares a través do fomento do autoemprego e a actividade emprendedora das persoas emigrantes retornadas e dos seus familiares na Comunidade Autónoma galega, subvencionando os gastos iniciais que leva consigo o seu establecemento como traballadores/as autónomos/as ou por conta propia, ou como socios/as traballadores/as de sociedades laborais ou cooperativas de traballo asociado.

O prazo de presentación de solicitudes comezará a partir do día seguinte ao da publicación da presente resolución no Diario Oficial de Galicia e finalizará o 15 de novembro de 2013.

Poderán ser beneficiarias destas subvencións as seguintes persoas:

1. As persoas galegas e nacidas en Galicia que residindo fóra de España retornen á Comunidade Autónoma galega.

2. Os cónxuxes ou persoas con unión análoga á conxugal e fillos/as, das persoas galegas e nacidas en Galicia con residencia no estranxeiro, que residindo fóra de España se establezan na Comunidade Autónoma de Galicia.

Para os efectos do establecido neste punto, terá a condición de parella de feito a que figure inscrita como tal no correspondente Rexistro de Parellas de Feito de Galicia regulado polo Decreto 248/2007, do 20 de decembro.

Contía máxima da subvención e concorrencia de axudas:

1. O importe da subvención concedida será dun 80 % do gasto subvencionable segundo o orzamento presentado, ata unha contía máxima de 3.000 euros, para o caso de traballadores/as autónomos/as ou por conta propia e de 5.000 euros, para o caso de sociedades laborais ou cooperativas de traballo asociado.

As ditas contías máximas incrementaranse en 1.000 euros máis cando a persoa solicitante teña 39 ou menos anos.

2. A obtención desta axuda é compatible con outras para o mesmo fin, sen que en ningún caso, o seu importe poida ser de tal contía que, illadamente ou en concorrencia con outras subvencións, axudas, ingresos ou recursos, supere o custo da actividade.

fonte: DOG Núm. 162. Martes, 27 de agosto de 2013

A comarca de Ordes únese para crear unha cooperativa de produción de grelo

Produtores de grelo de Ordes asociaranse en réxime de cooperativa para situar no mercado a prezada hortaliza da bisbarra. A constitución dunha sociedade para controlar a produción e a comercialización do cultivo só é, de momento, unha idea, pero, onte deu un primeiro paso na reunión que a Mancomunidade de Municipios de la Comarca de Ordes mantivo a través da súa Oficina do Fomento ao Cooperativismo con agricultores e representantes de diferentes colectivos vinculados co sector.

A proposta contou co beneplácito unánime dos presentes no encontro, que valoraron positivamente as melloras que unha sociedade cooperativa achegaría tanto ao proceso produtivo, coma á distribución e venda do cultivo.

A iniciativa abordarana o luns os alcaldes da bisbarra de Ordes nun pleno da Mancomunidade e, con posterioridade, convocarase a outra reunión aos produtores para avanzar na constitución da que será a primeira cooperativa desas características da zona. Está previsto que o encontro sexa en outubro e que tamén asistan representantes de cooperativas similares doutras bisbarras e da Consellería de Traballo.

En palabras do alcalde de Ordes e tamén presidente da mancomunidade comarcal, Manuel Regos, «trátase dun proxecto beneficioso para todos e que sen dúbida traerá riqueza para a nosa zona, fomentando e promovendo ou cultivo dun dous mellores produtos que temos, como é ou grelo,». Regos aposta pola fórmula do cooperativismo para que o proxecto se materialice con éxito xa que, ao seu entender, «nos tempos que corren, a unión fai a forza,». Ademais, asegurou que dende o organismo que preside «ofrecerase toda a axuda e ou apoio posible para quen decida formar parte desta nova iniciativa».

Na reunión de onte intercambiaron opinións xunto a Manuel Regos, os edís do goberno da capital comarcal Luis Gómez e Ramón Vázquez; Manuel Pena, técnico da Oficina de Fomento ao Cooperativismo da Mancomunidade ordense; Ruth Rodríguez e Loli Couso, técnicas da Asociación Galega de Cooperativas Agrarias (AGACA); Carmen Gesto, representante da Asociación A Ponderosa, de Anxeriz; ademais de oito produtores de diversos concellos da bisbarra.

«Trátase dun proxecto beneficioso para todos que traerá riqueza para a nosa zona» comenta Manuel Regos

fonte: La Voz de Galicia