A Asociación Galega de Cooperativas Agroalimentarias
organiza nas adega cambadesa Martín Códax unhas charlas sobre o "Emprendemento
e fomento do liderado das mulleres nos órganos de decisión das cooperativas
agroalimentarias en Galicia".
Esta actividade, admite, xorde da necesidade de dar
continuidade a dous proxectos desenvolvidos pola asociación nos tres últimos
anos e que teñen como obxectivo a igualdade. Estes plans buscan unha
participación social, política, económica e cultural orientada á igualdade de
oportunidades entre persoas de sexo masculino e feminino.
Neste programa, no que participan federacións cooperativas
de toda España, identifícanse sociedades nas que se inicia o incremento e se
mellora a participación das mulleres nos Consellos reitores, xa sexa a través
de accións formativas e de sensibilización, principalmente orientadas a
mulleres pero na que tamén poden participar varóns.
Outras accións
A cooperativa, ademais, tamén está a traballar en accións
emprendedoras no rural, relacionadas coa prestación de servizos sociais
asistenciais no sector de atención ás persoas dependentes. Neste sentido,
ademais traballan para lograr a conciliación da vida laboral, persoal e
familiar entre as persoas que forman parte das diferentes cooperativas
agroalimentarias.
A asociación galega tamén recalca a longa traxectoria de
compromiso social e cultural que dende a súa apertura leva a cabo a cooperativa
vitivinícola de Cambados.
O acto dará comezo ás 11,30 horas coa participación de
Susana López, secretaria xeral de igualdade da Xunta, José Martínez de Martín
Códax e o presidente da asociación José Montes.
Os interesados en participar poden chamar ao 981584783 e
preguntar por Ruth Rodríguez ou Berta Pérez.
fonte: Faro de Vigo
No hay comentarios:
Publicar un comentario