A cooperativa de consumidores ou de consumo é
unha sociedade de persoas cuxo obxectivo é realizar unha actividade económica
de subministración de bens e servizos para os seus socios e o seu ámbito. A
través da cooperativa, os consumidores e usuarios satisfán as súas necesidades
buscando mellores condicións de calidade e prezo.
O consumidor intégrase no proxecto cooperativo
como socio consumidor e iso dálle dereito a estar representado nos órganos de
goberno da cooperativa e na súa Asemblea Xeral. Mentres as empresas produtoras
de todo tipo poden actuar de forma conxunta, os actos de consumo son en cambio
de carácter individual e polo tanto, a forza que posúe un consumidor illado para
defender os seus intereses é moi pequena.
As cooperativas de consumidores, seguindo os
principios que inspiraron a súa creación no século XIX, xuntan os esforzos de
miles de persoas para conseguir produtos de calidade a prezos máis xustos. Pero
ademais, van incorporando a defensa doutros intereses dos consumidores a medida
que a sociedade xera novos produtos e formas de consumo. Os consumidores
organizados son capaces de velar polos seus intereses e mesmo de anticiparse.
Asociacións de consumidores en España é o Texto
Refundido da Lei Xeral para a Defensa dos Consumidores e Usuarios (Real Decreto
Lexislativo 1/2007, do 16 de novembro) o que no seu artigo 23.1, recoñece as
cooperativas de consumidores a capacidade para ser recoñecidas como asociación
de consumidores.
Hispacoop:
En España, estas cooperativas, entre elas Grupo
Eroski, Consum ou Abacus, están integrados na Confederación Española de
Cooperativas de Consumidores e Usuarios (Hispacoop), que ao ser considerada
asociación de consumidores, ten un oco no Consello de Consumidores e Usuarios.
Fonte:
Hispacoop
www.hispacoop.es
No hay comentarios:
Publicar un comentario