Raxoi dá o último pulo á ecoaldea do Cubeiro

Amplía a edificabilidade a 25 vivendas por hectárea. Terá gardaría e baiuca

É a primeira ecoaldea de Compostela e a punto está de salvar o seu último escollo. 

En sesión extraordinaria, o Pleno deu luz verde a unha modificación puntual do Plan Xeral que permitirá aumentar a edificabilidade do núcleo do Cubeiro de 20 a 25 vivendas por hectárea. 

Impulsada por Outeiro Pombo, a urbanización a desenvolver na zona do Romaño sumará así 84 vivendas: 32 de protección autonómica (16 cederanse ao Concello) e 45 libres. O informe terá que contar, non obstante, co visto e prace da Consellería de Medio Ambiente.

Segundo explica a concelleira de Urbanismo, María Pardo, existe xa unha cooperativa constituída que estuda asumir a promoción. O proxecto prevé crear 220 empregos directos nun prazo de 24 a 30 meses.