A cooperativa de mariscadores da ría de Ferrol chámase
xa oficialmente Mareantes Ártabros. O nome non é o que se propuxo nun
primeiro momento -Xentes do Mar de Ferrolterra- porque,
ao parecer, segundo un dos promotores, o almacenista Ramón Martínez
Lourido, xa estaba rexistrado.
A asemblea constituínte celebrouse o pasado venres no centro cívico de Neda e
a esta acudiron uns 25 mariscadores da ría que xa son, formalmente, socios da
nova cooperativa, un proxecto en pendes co que pretenden mellorar tanto a
xestión dos recursos coma a comercialización destes. Este é, aseguran, o
principal problema do sector nestes momentos, ademais da contaminación
microbiolóxica, e agravouse coa crise económica e os problemas do sistema de
reinstalación implantado pola Consellería do Medio Rural edo Mar o
ano pasado.
Martínez Lourido asegurou que na reunión se acordou establecer un prazo de
15 días para que os posibles interesados en sumarse á iniciativa poidan facelo.
Dende que comezou a formularse a posibilidade de crear unha cooperativa de
mariscadores na ría deFerrol -ata agora non existía ningunha-, os
impulsores organizaron varias charlas cos responsables das tres confrarías, así
como co presidente e o xerente da primeira organización destas características
en Galicia, a Ría de Arosa.
A cooperativa terá a súa sede no concello de Neda, posto que,
como sinalou Martínez Lourido, ese goberno local os apoiou dende o
primeiro momento.
No hay comentarios:
Publicar un comentario