Esta actividade intégrase na Rede Eusumo, unha estratexia de
cooperación entre diferentes axentes públicos e asociativos.
A exposición, que permanecerá aberta ata o vindeiro 8 de
febreiro na Casa de Cultura de Portomarín (Rúa Ánxel Casal, s/n), fai un
recorrido polos elementos claves do modelo cooperativo.
En Galicia existen un total de 1.152 cooperativas que
agrupan a 90.158 socios e socias e crean un total de 18.649 postos de traballo.
A mancomunidade Camiño Francés conta na actualidade cun
total de 16 cooperativas postas en marcha, a maioría do sector agrogandeiro.
A Consellería de Traballo e Benestar, a través da Dirección
Xeral de Traballo e Economía Social, pon en marcha en Portomarín a exposición
‘Descubre as cooperativas’. Esta actividade intégrase na Rede Eusumo, unha
estratexia de cooperación entre diferentes axentes públicos e asociativos
orientada ao fomento do cooperativismo e a economía social dirixida á xeración
de emprego, e que conta co apoio do Fondo Social Europeo.
A exposición ‘Descubre as cooperativas’ presenta as
potencialidades e solucións que ofrecen as cooperativas como un modelo
empresarial que pola súa versatilidade e capacidade de adaptación está
demostrando ser capaz de manter e crear empregos na actual situación de crise
económica.
A mostra, que permanecerá aberta ata o vindeiro 8 de febreiro
na Casa de Cultura de Portomarín (Rúa Ánxel Casal, s/n), fai un recorrido polos
elementos claves do modelo cooperativo: que son, que tipos de cooperativas hai,
como funcionan, cales son os valores que defenden, que pasos dar ou que apoios
existen para impulsar o emprendemento cooperativo. Ao longo de algo máis de 100
metros cadrados, os visitantes poderán achegarse ao cooperativismo agrario, ao
autoemprego cooperativo, ou mesmo comprobar se teñen 'madeira de
cooperativistas', nunha exposición marcada polo seu carácter interactivo e
dinámico.
En Galicia existen un total de 1.152 cooperativas que
agrupan a 90.158 socios e socias e crean un total de 18.649 postos de traballo,
entre directos e indirectos, o que supón case un 2% da poboación ocupada.
A Oficina de Fomento Cooperativo da Mancomunidade Camiño
Francés, co apoio da Consellería de Traballo e Benestar e co financiamento do
Fondo Social Europeo, desenvolve unha forte actividade de difusión do
cooperativismo, no marco da Rede Eusumo, nos concellos de Arzúa, Melide,
Monterroso, Palas de Rei, O Pino, Pedrafita do Cebreiro, Portomarín e Samos. A
mancomunidade Camiño Francés conta na actualidade cun total de 16 cooperativas
postas en marcha, a maioría do sector agrogandeiro.
O ritmo de creación de novas cooperativas acelérase nos
contextos de dificultade económica: as cooperativas ofrecen unha alternativa de
autoemprego colectivo moi atractiva para aqueles traballadores e traballadoras
que teñen unha idea empresarial viable e queren levala adiante cuns valores de
igualdade, axuda mutua e responsabilidade compartida.
Despois de ser inaugurada en Santiago de Compostela e de
visitar Betanzos, Ordes e Portomarín, a exposición sobre o cooperativismo
achegarase a outras cidades e vilas de Galicia co obxectivo de promover e
divulgar a fórmula cooperativa como unha opción de futuro para emprendedores e
público en xeral. En total, estará en 37 localidades de toda Galicia.
No hay comentarios:
Publicar un comentario