Coa participación de Aprolact, de Galicia, prevé estar
operativa " e en pleno funcionamento" o próximo mes de abril.
Tres organizacións de produtores de leite (OPL) de base
cooperativa, reunidas en Madrid, acordaron establecer as bases para a
constitución dunha asociación de OPL de ámbito estatal, en torno a "unha
misión compartida", garantir a sostibilidade das explotacións gandeiras
integradas nas devanditas organizacións.
A nova asociación estará formada por Lacteoscoop, que agrupa
a cooperativas de Castela e León e Cataluña; Aprolact, integrada por
cooperativas de Galicia, e OPL de Cooperativas do Sur, que a forman
cooperativas de Andalucía, Extremadura e Castela-A Mancha.
Entre as tres organizacións agrupan máis dun millón de
toneladas de leite, que representan máis do 15% do total da cota láctea de
España.
As cooperativas lácteas consideran "imprescindible,
para alcanzar os seus obxectivos, establecer unha plataforma negociadora
conxunta fronte ao sector industrial, así como unha unidade operativa que lles
permita unha planificación óptima da produción conforme á demanda,
especialmente no referente á calidade e á cantidade,".
Todo iso, segundo destacan nunha nota conxunta,
"repercutirá, ademais, nunha mellor xestión dos custos de produción e
poder implantar estratexias comúns de recollidas".
"ABERTA A OUTRAS OP"
As tres OPs consideran que a eficacia na unidade de
negociación e de operatividade "está moi relacionada co volume de
produción que controlen", de aí "a importancia desta asociación, que
está aberta á adhesión doutras OP que estean constituídas ou se poida crear no
futuro,".
Unha asociación que, segundo a súa natureza xurídica, se
formula como unha cooperativa de segundo grao e prevé estar operativa " e
en pleno funcionamento" o próximo mes de abril.
Unha asociación que, segundo a súa natureza xurídica, se formula como unha cooperativa de segundo grao e prevé estar operativa " e en pleno funcionamento" o próximo mes de abril.
No hay comentarios:
Publicar un comentario