A Oficina do Macizo Central-Trevinca mostra unha
empresa de ovos ecolóxicos
A Oficina de Fomento Cooperativo de Macizo Central-Trevincaachegou
esta semana pasada ao Concello da Veiga o cooperativismo
con saída organizada e materializada, na actividade "Coñecendocooperativas",
levando a un grupo de veciños a coñecer de primeira man as experiencias
cooperativas Avega Sociedade Cooperativa Galega e Milhulloa S.Coop. Galega.
Un grupo de persoas interesadas en emprender baixo a fórmula cooperativa,
integrado por empresarios, gandeiros e persoas en situación de desemprego,
desprazáronse ata Silleda para revisar as instalacións de galiñas
poñedoras en ecolóxico que esta cooperativaAvega posúe, e a través das
cales obtén e comercializa ovos ecolóxicos para todo España.
Tras a visita á granxa e á envasadora de ovos que Avega ten
enRodeiro, o grupo de veciños da Veiga dirixiuse ata Pas de Rei,
para coñecer o novidoso proxecto posto en marcha, baixo a fórmula de
cooperativa de traballo asociado, por tres mulleres, a cooperativaMilhulloa. É
a única empresa galega dedicada á produción de plantas aromáticas e medicinais.
A oficina busca con este tipo de actividades que as persoas interesadas no emprendimiento cooperativo
entren en contacto con grupos de emprendedores xa asentados, que lles permitan
ver de primeira man como son na realidade os conceptos teóricos que ata agora
coñecen polas xornadas realizadas na oficina, e que comproben que a pesar das
dificultades que poidan encontrar polo camiño para a posta en marcha dunha
empresa, que saiban que a súa consecución non é un feito imposible, como se
puido constatar coa visita estas dúas cooperativas galegas.
No hay comentarios:
Publicar un comentario