Banco Pastor, Grupo Banco Popular, asinou hoxe un acordo coa Asociación Galega de Cooperativas Agroalimentarias (AGACA) polo que proverá os seus socios membros de servizos e produtos exclusivos en condicións vantaxosas. O convenio enmárcase dentro da estratexia global de Banco Pastor que persegue afianzarse como Banco de referencia do sector agrogandeiro en Galicia. O acordo asinárono o Director Xerente de AGACA, Higinio Mougán Bouzon; e Jorge Vicente Vega, Director de Empresas, e Roberto Rodríguez Valcarce, Director de Negocio Agroalimentario, por parte de Banco Pastor.
De esquerda a dereita: Roberto Rodríguez Valcarce, Director de Negocio Agroalimentario de Banco Pastor; Higinio Mougán Bouzon, Director Xerente de AGACA e Jorge Vicente Vega, Director de Empresas de Banco Pastor, durante a firma do acordo.
O virtude do acordo, Banco Pastor
achegará unha completa oferta de produtos e servizos deseñados á medida das
cooperativas asociadas, co obxectivo de impulsar a súa produtividade, mellorar
o seu avances tecnolóxicos e facer crecer os seus negocios. Deste modo, as
cooperativas poderán gozar de créditos e préstamos en condicións especiais e
facilidades no acceso ás liñas ICO.
Ademais, terán á súa disposición a ampla rede de oficinas de
Banco Popular en España e Portugal especializada en Banca Negocio, con máis de
2.500 sucursais e 150 especialistas nos seus centros de empresa. Galicia é o
principal mercado de referencia de Banco Popular, cunha cota de mercado do 19
por cento. En canto á concesión de liñas ICO, presenta unha das maiores cotas
rexionais de contratación: 1 de cada 4 euros que financia o Instituto de
Crédito concédeos Banco Pastor.
A Asociación Galega de Cooperativas Agroalimentarias (AGACA)
é a organización representativa do cooperativismo agrario da Comunidade
Autónoma de Galicia e agrupa máis de 300 cooperativas da comunidade e en torno
a 50.000 socios. AGACA exerce a súa actividade a nivel autonómico, estatal e
internacional, en todos os foros nos que se dirimen os intereses do
cooperativismo, abranguendo os sectores máis representativos da agricultura e
gandaría galegas.
No hay comentarios:
Publicar un comentario