Éxito das xornadas sobre cooperativismo

A Mancomunidade de Municipios Terra de Celanova acaba de clausurar con éxito, tal e como sinalaban dende a oficina de fomento cooperativo, as primeiras xornadas formativas e informativas sobre o fomento cooperativo no medio rural.

Dende o pasado mes de febreiro, desenvolvéronse nos diferentes concellos que integran o ente supramunicipal, charlas relacionadas co fomento da actividade cooperativa vinculada ao aproveitamento dos castiñeiros, os servizos forestais e o cultivo de oliveiras. Este último punto centrou a reunión que a semana pasada se desenvolveu en Leirado e que contou coa participación dunhas 40 persoas de toda a bisbarra.

CALIDADES E BENEFICIOS

A charla contou coa colaboración de Manoli González Chao, asesora da empresa ourensana Aceites Abril, que explicou as calidades deste tipo de árbores froiteiras e informou aos presentes dalgúns dos beneficios da posta en marcha deste tipo de explotacións como un incentivo á economía familiar.