Este xoves 22 de agosto terá lugar unha xornada destinada a
coñecer as experiencias de colaboración entre as empresas Martín Códax e El
Cable Inglés, así como os seus respectivos proxectos sociais.
O Director Xeral de Traballo e Economía Social da Xunta de
Galicia, Odilo Martiñá, achegarase ata ás instalacións da adega, en Cambados,
para coñecer os proxectos comúns así como as súas iniciativas sociais.
A xornada dará comezo cun encontro entre o director de
Adegas Martín Códax, Juan Vázquez Gancedo, e a presidenta Del cable Inglés,
Cristina Ródriguez Labandeira, acompañados por integrantes dos seus equipos
técnicos.
O pasado ano Martín códax e El Cable Inglés uniron as súas
experiencias no mundo da cultura e do viño para lanzar o evento enoturístico de
música ' Os Xóves de Códax', que este ano celebrou a súa segunda edición, que
ten lugar nas instalacións da adega.
Ademais deste evento musical, ambas as dúas compañías
volveron ten colaborar este ano levando a cabo o proxecto de intervencións
artísticas Ahora! onde tres artistas desenvolveron as súas propostas en varios
espazos da adega.
CREAR EMPREGO E POBOACIÓN RURAL
Adegas Martín Códax naceu hai máis de 25 anos grazas ao
esforzo de 50 viticultores. Hoxe, con preto de 300 socios e 600 familias
colaboradoras, e con presenza en máis de 40 países en todo o mundo grazas aos
viños que elabora, recoñecidos unanimemente pola crítica nacional e
internacional; seguen tendo presente a súa responsabilidade co Val do Salnés:
mellorar a calidade de vida da comunidade.
Perseguindo este obxectivo, hai 10 anos creouse unha empresa
de servizos integrais vitivinícolas a disposición de todas as persoas asociadas
e colaboradoras da adega, que cubría actividades de poda, aboados, xestión de
chan...
Agora Martín Códax dá un paso máis e crea unha bolsa de
emprego para ofrecer aos familiares dos socios e colaboradores, a oportunidade
non só de cultivar as plantacións que os seus proxenitores xa non poden coidar,
senón tamén as parcelas doutros socios que tampouco teñen tempo para
dedicárselles e que a cooperativa poñen á súa disposición.
O proxecto tivo un éxito desvastador, xa que permite aos
familiares dos asociados dispoñer dunha renda adicional, ao tempo que a empresa
amortiza a maquinaria adquirida e consegue fixar poboación no campo, garantindo
así a súa produción en campañas vinícolas futuras.
APOIAR A PARTICIPACIÓN DA MULLER E AS NOVAS TECNOLOXÍAS
Ademais, a adega presentará nesta xornada o seu Plan de
Igualdade reforzado polo Plan Integra para apoiar a participación das mulleres
nos ámbitos de toma de decisión de cooperativas; e expoñerá outras iniciativas
de intercooperación entre as que destaca Viñas Atlánticas promovida pola
Deputación de Pontevedra e na que participan outras dúas cooperativas arousanas
do sector: Paco e Lola e Condes de Albarei.
Este proxecto consiste na implantación dunha rede de
sensores na bisbarra do Salnés para obter datos meteorolóxicos que permitan dar
información sobre o estado das pragas.
A información obtida servirá como ferramenta para reducir o
uso de tratamentos e produtos químicos na produción de viños.
O obxectivo principal é crear un sistema de xestión ambiental
que contribúa ao desenvolvemento sostible na actividade.
fonte: Vineteur
No hay comentarios:
Publicar un comentario