CEPES está a participar, no grupo de traballo, sobre
promoción de Cooperativas, que creou a Comisón Europea, e que está presidido
polo Vicepresidente da Comisión Europea, Antonio Tajani. Elaborará unha folla
de ruta, para fortalecer e consolidar o cooperativismo.
O vicepresidente da Comisión Europea invitou á Patronal da
Economía Social española a formar parte da folla de ruta que impulsará o
fomento e consolidación do movemento cooperativo.
En Europa hai 160.000 Cooperativas ás que pertencen 123
millóns de membros que proporcionan emprego a 5,4 millóns de persoas e
representan o 5% do PIB comunitario.
A UE reclama maior consideración para as cooperativas e a
Economía Social posto mantivo e xerado emprego malia a crise, á vez que mostra
mellores niveis de crecemento que outros modelos empresariais.
A patronal española da Economía Social (CEPES) colaborará
coa Comisión Europea co obxectivo de impulsar o cooperativismo nos países da
Unión, tras evidenciar que este sector non só resistiu a crise, senón que tamén
logrou manter e crear emprego.
O vicepresidente da Comisión Europea e comisario de
Industria e Emprendimiento, o italiano Antonio Tajani, invitou o presidente de
CEPES, Juan Antonio Pedreño, á constitución do Grupo de Traballo
"Promoción do potencial das cooperativas para xerar un crecemento
intelixente".
Este Grupo constitúese para elaborar unha folla de ruta que
estableza medidas que favorezan o emprendimiento colectivo e a consolidación do
movemento cooperativo, ademais de servir como plataforma de diálogo entre a
Comisión de Industria, Emprendimiento e Economía Social e o movemento
cooperativo europeo.
As institucións da UE reclamaron unha maior consideración
para as cooperativas e a Economía Social dentro das políticas de recuperación
económica, tras evidenciar que xeran e manteñen emprego, á vez que mostran
mellores niveis de crecemento (en número de empresas, postos de traballo e
mantemento de actividade) que outros modelos empresariais.
Tajani afirmou que "as cooperativas son cruciais e
quero traballar coas súas organizacións, non só hoxe, senón tamén nun plan de
acción e unha folla de ruta da estratexia para a próxima Comisión".
Na UE, -segundo o Parlamento Europeo- existen preto de
160.000 empresas Cooperativas, ás que pertencen a 123 millóns de membros e
proporcionan emprego a 5,4 millóns de persoas, e xeran o 5% de media do PIB dos
estados membros. En España hai máis de 22.000 cooperativas nas que traballan
máis de 290.000 persoas.
Na reunión establecéronse as prioridades para o
desenvolvemento das políticas que afiancen o cooperativismo en Europa: a
necesidade de servizos de apoio específicos, o acceso ás finanzas e o
financiamento, a necesidade de incluír o modelo de empresa cooperativa nos
programas educativos e a necesidade de asegurar que os marcos xurídicos de toda
Europa non discriminen as cooperativas.
Juan Antonio Pedreño tamén puxo de manifesto ademais, a
importancia das cooperativas na creación de emprego, especialmente entre os
máis novos; no fomento do espírito emprendedor, no desenvolvemento local e
territorial ou na innovación (en sectores como enerxías renovables), entre
outros temas.
Integrantes do Grupo de Traballo
Na reunión e a constitución do Grupo de Traballo participaron, á parte de CEPES e membros das institucións comunitarias, representantes da Economía Social e o movemento cooperativo de Alemaña, Francia, Bélxica, Croacia, Chequia, Dinamarca, Italia, Polonia, Portugal, Eslovenia e Bulgaria.
Ademais, tamén estiveron presentes dirixentes de
Cooperatives Europe, a Asociación Europea de Banca Cooperativa (EACB), a
Asociación Europea de Cooperativas de Vivendas (Cecodhas Housing Europe), a
Asociación Europea de cooperativas de traballo asociado (CECOP), a Asociación
Europea de Cooperativas de Consumidores (Eurocoop), a Asociacion Europea de
Cooperativas Agroalimentarias (Cogeca) e a Asociación Europea de Cooperativas
de Farmacias (UEPS).
Informe da Eurocámara
Na reunión tamén estivo a eurodeputada Patrizia Toia, quen presentou o informe 'Sobre a contribución das Cooperativas á crise', aprobado recentemente polo Parlamento Europeo e no cal se pide potenciar as Cooperativas e outras empresas de Economía Social "como ferramentas para saír da crise".
Este informe destaca que as Cooperativas, xunto con outras
empresas da Economía Social, "desempeñan un papel esencial na economía
europea, en especial en tempos de crise, ao combinar a rendibilidade coa
solidariedade, crear postos de traballo de calidade, reforzar a cohesión
social, económica e rexional e xerar capital social".
fonte: Cepes
No hay comentarios:
Publicar un comentario