Así o destacou en declaracións aos xornalistas
tras presidir o pleno do Conselo Galego de Cooperativas, no que a Xunta e as
asociacións de cooperativas trazaron as accións que levarán a cabo en 2012, Ano
Internacional das Cooperativas, para "promover e resaltar" esta
fórmula empresarial.
Neste sentido, o titular de Traballo e Benestar sinalou que
o Goberno galego "está a apostar especialmente" por este modelo
"na actual lexislatura" debido ao "bo comportamento" que
mostra "malia a conxuntura económica" ao "garantir un
desenvolvemento sostible e xerar un emprego de calidade".
"Dende a nosa chegada ao Goberno galego os compromisos
van máis alá das palabras", destacou Beatriz Mato antes de recordar que,
no que vai de mandato, "se investiron máis de 16 millóns que serviron para
crear máis de 3.000 novos socios en cooperativas".
Destes novos socios, case a metade - -1.459-- están
agrupados nun total de 48 cooperativas que foron creadas no pasado exercicio,
conforme detallou Traballo e Benestar.
Supoñen máis do 2% de ocupados galegos e presentan un volume de facturación de 2.435.000 euros.
MÁIS DE 88.000 SOCIOS
Segundo os datos da Xunta, na Comunidade galega hai un total
de 1.135 cooperativas activas, ás que están asociadas máis de 88.000 persoas,
especialmente do sector da agricultura e cun "peso significativo" dos
mozos e as mulleres.
Estas cifras supoñen que máis do 2 por cento dos ocupados
galegos están vinculados ao cooperativismo, actividade que presenta un volume
de facturación de máis de 2.435.000 euros en Galicia.
En canto ás actividades que desenvolven, por orde de
importancia, as principais son a agraria, a construción, a industria téxtil, o
comercio, a educación, as empresas de asesoría e informática e os transportes.
No hay comentarios:
Publicar un comentario