COFAGA, como cooperativa que é,
busca beneficios económicos e de servizos para os seus socios, que son os donos
da empresa, e, en consecuencia os perceptores finais dos éxitos. Actualmente
son máis de 630 os socios, e un catálogo de referencias vivas con máis de
25.000 produtos que inclúen especialidades farmacéuticas e produtos de
parafarmacia.
A distribución de medicamentos e
produtos sanitarios ás oficinas de farmacia constitúe un importante elo para a
garantía da calidade farmacéutica, ao asegurar que o produto posto no mercado
mantén as características certificadas polo laboratorio, ademais de permitir un
doado seguimento, retirada e control dos produtos que así o requiran.
Dende os seus almacéns da Coruña,
Santiago, Lugo e Ferrol, COFAGA atende a máis de 630 socios, cunha áxil rede de
distribución que garante un mínimo de dous servizos diarios a cada unha das
oficinas de farmacia rurais. A coordinación entre almacéns permite a todas as
farmacias socias dispoñer dun servizo de cobertura das posibles faltas puntuais
que poidan xurdir nun pedido e asegúralles estar cubertas polos seus catro
almacéns. Ademais, COFAGA estableceu acordos con COFANO, COFARLE, GABIAS e
ZACOFARVA de tal maneira que os nosos socios poden pedir as súas faltas a estas
cooperativas e COFAGA llelas envía ás súas farmacias.
COFAGA pertence ao grupo EDIFA
"ESPAÑOLA DE DESENVOLVEMENTO E IMPULSO FARMACÉUTICO, S.A. " empresa
de distribución de produtos farmacéuticos e parafarmacéuticos fundada no ano
1.995; constituída por 15 cooperativas repartidas ao longo do territorio
español, distribuíndose a súa capital fundacional en proporción ao seu tamaño.
É o 4º grupo de distribución a nivel nacional cunha cota de mercado do 10,8%.
Se ben inicialmente o seu obxectivo era constituírse nunha central de compras, con
posterioridade fóronse ampliando as súas áreas de actividade actuando como
centro coordinador e innovador de novos servizos globais para as cooperativas e
a industria. O Consello de Administración de EDIFA está presidido dende o ano
2005 por D. Miguel Reviejo Ares, quen é á vez presidente do Consello Reitor de
COFAGA.
Para realizar estas tarefas
COFAGA posúe unha robotización de última tecnoloxía, consistente en distintos
tipos de autómatas e un sistema de radiofrecuencia que permite elaborar os
pedidos sen papel.
COFAGA ten un persoal fixo de 125
persoas e dela dependen como emprego indirecto unhas 50 persoas, entre
transportistas, persoal de limpeza, asesores externos de informática, fiscal,
laboral e mercantil, en definitiva, un equipo humano altamente cualificado para
garantir un servizo de calidade ás oficinas de farmacia.
O Consello Reitor, presidido por
D. Miguel Reviejo Ares, está formado por nove membros, mentres que a Dirección,
encabezada polo Director Xeral, D. José Ramón López Suárez, está constituída
por tres farmacéuticos.
COFAGA dispón do certificado
UNE-ISO 9001 dende o ano 2002. Este feito instalou a COFAGA na vangarda do
sector da distribución farmacéutica, ao converterse na primeira empresa da nosa
comunidade en obter a devandita distinción e das primeiras a nivel nacional.
En COFAGA considerase prioritaria
a satisfacción dos seus socios, polo que todas as suas actuacións están
centradas en ofrecer máis e mellores servizos ás oficinas de farmacia. COFAGA
SERVIZOS encárgase de ofrecerlle solucións para as necesidades da súa farmacia:
equipamentos para oficinas de farmacia e laboratorio, programas informáticos,
publicacións, acordos con compañías aseguradoras e convenios con bancos e
caixas, viaxes, cursos e ofertas gastronómicas que COFAGA ofrece aos seus
socios.
No hay comentarios:
Publicar un comentario