Nela analizáronse os desafíos que
deberán afrontar as cooperativas de consumidores e usuarios nun futuro próximo,
ante un escenario socio-económico cambiante que se reflicte nos efectos da
globalización dos mercados e a transnacionalización das relacións comerciais,
as repercusións da crise económica, do cambio climático e a revolución das
novas tecnoloxías.
Francisco Etxaniz, Presidente de
Hispacoop, asegurou na inaguración que "estes cambios afectan ás
condicións de competitividade das cooperativas de consumo" polo que deben
"adaptarse a este novo ámbito, co fin de non perder o ritmo do mercado,
sen ter que renunciar ás súas características propias e aos valores cooperativos
que as fan diferentes".
Etxaniz destacou que "as
cooperativas representan un modelo asociativo que traballa na busca da xustiza
social, favorecendo unha economía eficaz e competitiva á vez que socialmente
responsable". Tamén se debateu sobre os elementos que caracterizan ás
cooperativas de consumo e como deben adaptarse aos novos cambios que esixe o
mercado.
Segundo José Miguel Mera,
Presidente da Federación de Cooperativas de Consumo de Euskadi, "nestes
momentos de debilidade no consumo é onde podemos facernos fortes na nosa
xestión e onde se pon a proba o sentido persoal do cooperativismo". Así
mesmo, analizouse a figura do socio consumidor, a integración do socio de
traballo na cooperativa de consumo e o potencial transformador que a
cooperativa ten na sociedade.
Para Alejandro Martínez
Charterina, Catedrático da Universidade deDeustoque comezou a Conferencia cun
relatorio marco, "a cooperativa, centrada na persoa e no seu ámbito, leva
a cabo unha actividade socialmente responsable na que a participación, a
solidariedade, a xustiza social e a sostibilidade conducen os seus obxectivos,
máis alá do beneficio financeiro, á consecución do ben común".
A Conferencia foi inaugurada polo
actual Director Xeral da Economía Social do Ministerio de Emprego e Seguridade
Social, D. Miguel Ángel García Martín ao que acompañou D. Felipe Yarritu,
Director de Economía Social do Goberno Vasco.
García Martín destacou na súa
intervención a importancia das cooperativas e da economía social como paradigma
de boas prácticas e como modelo dunha economía máis xusta e sostible á vez que
eficaz e competitiva.
No hay comentarios:
Publicar un comentario