Coñecendo á cooperativa Delagro

Delagro é unha cooperativa de segundo grao, integrada, á súa vez, por máis de 40 cooperativas e entidades, algunhas delas, de segundo grao de Asturias, Cantabria e Galicia que, xuntas achegan máis de 80 cooperativas socias, con máis de 17.000 asociados.

"Estamos onde nos necesitan".

O seu raio de acción esténdese polo Norte de España e o seu ámbito de incidencia abrangue o ámbito agrogandeiro, dende a comercialización e elaboración de produtos ata un amplo abano de servizos capaz de dar solución a calquera necesidade que poida formular o cliente.

"Estimúlannos os retos".

A entidade é o perfecto exemplo de integración cooperativa, de como unha estratexia unificadora entre diferentes entidades de menor tamaño chegan a alcanzar unha magnitude considerable, tan competitiva que lle permitiu posicionarse como a central de compras máis importante do noroeste español, estendendo a súa actividade á área de asesoramento e mercadotecnia e acompañada dunha potente estrutura departamental en alimentación e produción vexetal e animal, automoción, láctea, almacén, fertilizantes, plásticos, combustibles, supermercados, comercial, mercadotecnia, administración e finanzas e informática.

Afastada de corpiños sectoriais, a súa aspiración é converterse na organización (cooperativa) de referencia no medio rural. Con este obxectivo de fondo aprobou un Plan Estratéxico de negocio orientado ao socio e ao cliente, baseado na innovación tecnolóxica e de xestión, na transparencia, a responsabilidade social e o compromiso co ámbito rural, xerando un valor engadido permanente e realista.

2Soñamos para manter a realidade".

Delagro, consciente da necesidade de manter unha mentalidade aperturista, afastada de posicións estancas, optou por realizar unha importante aposta pola innovación e a expansión. Por iso, mentres outras empresas optan por recortes, esta sociedade inviste en persoas, confía na experiencia e na innovación e ofrece solucións personalizadas.

"Coñecemos o cliente e dámoslle o que necesita".