Ao redor de 3.000 estudantes dos ciclos de Infantil, Primaria, ESO, Bacharelato e FP de grao medio, beneficiaranse do programa convocado pola Consellería de Cultura, Educación e Ordenación Universitaria e a Fundación Coren, que lles permitirá realizar visitas didácticas ás instalacións da compañía. Este programa ten como obxectivo promover entre os máis novos, o a cultura emprendedora, ademais de potenciar as linguas estranxeiras, segundo precisou a propia Consellería de Cultura.
O prazo de solicitude para os centros sostidos con fondos públicos que desexen participar nesta iniciativa estará aberta, segundo subliñou o Goberno galego, ata o próximo 30 de setembro.
Programas formativos
Ao abeiro desta iniciativa desenvolveranse catro programas diferentes: 'Agroeduca e Agroemprende --que duran ambos os dous unha xornada--; e Ecogranxa e Eco Farma Kids --que se estenderán durante cinco xornadas.
O programa Agroeduca está dirixido ao alumnado de Infantil, Primaria e 1º de ESO, e desenvolverase nas instalacións da Agroescola de la Fundación Coren. Nel, os participantes crearán unha cooperativa agrícola e gandeira.
Tamén nestas mesmas instalacións se desenvolverá o programa Agroemprende, dirixido ao alumnado de 2º, 3º e 4º de ESO e FP de grao medio. Neste caso, os participantes coñecerán a historia do cooperativismo e da propia cooperativa Coren.
Coooperativas produtivas
Pola súa banda no programa Ecogranxa, os participantes crearán dúas cooperativas produtivas, unha agraria e outra gandeira. En cambio na iniciativa Eco Farma Kids, as actividades serán realizadas en inglés, polo que se priorizarán as solicitudes dos centros plurilingües. En ambos os dous casos, os alumnos participantes serán de Primaria e de 1º diso.
En concreto, estas actuacións enmárcanse dentro do Plan Eduemprende, que constitúe en palabras da Xunta, "o marco de fomento do espírito emprendedor no sistema educativo de Galicia".
fonte: Faro de Vigo
No hay comentarios:
Publicar un comentario