A
sociedade cooperativa Fenwick Weavers (Tecedores de Fenwick), unha cooperativa
dedicada á confección de tecidos, fundada en Fenwick, Ayrshire, Escocia, en
1761, está a celebrar este ano o seu 250 aniversario. Sobre a base da
documentación histórica da actividade financeira da cooperativa, que agora se
encontra na Biblioteca Nacional de Escocia, a Cooperativa Fenwick Weavers tamén
alega ser a primeira cooperativa de aforro e crédito do mundo, de acordo con
aqueles que están actualmente involucrados no programa do legado da
cooperativa.
"Todo o mundo necesita coñecer onde están as súas
raíces e a Cooperativa Fenwick Weavers é recoñecida como a cooperativa
financeira máis antiga do mundo", dixo John Smith, un empregado xubilado
que adoitaba traballar na liña de ensamblaxe dos sistemas aeroespaciais
británicos e residente de toda unha vida en Fenwick, quen está a encabezar de
forma voluntaria o esforzo actual para revivir o legado da cooperativa. "O
pasado non debe morrer, senón que debe seguir para as futuras xeracións".
Xunto con John McFadzean, Smith é coautor do folleto de 32
páxinas titulado 'Unha historia da Cooperativa Fenwick Weavers'. Smith e varios
membros da xunta de Fenwick Weavers, que xa non é unha cooperativa activa, foi
o encargado o mes pasado dun cubículo na Conferencia Mundial de Cooperativas de
Aforro e Crédito do Consello Mundial de Cooperativas de Aforro e Crédito
(WOCCU) en Glasgow, Escocia, onde distribuíron copias da publicación.
John Smith (centro), da Cooperativa Fenwick Weavers, explica
a historia da primeira cooperativa financeira do mundo aos asistentes á
Conferencia Mundial de Cooperativas de Aforro e Crédito en Glasgow, Escocia.
Os membros da xunta de WOCCU e o persoal visitaron Fenwick
antes do inicio da conferencia, para coñecer de primeira man acerca da
cooperativa e o seu impacto na comunidade. A cooperativa, que o 14 de marzo de
1761 asinou o seu convenio na Igrexa de Fenwick para evitar a persecución da
aristocracia gobernante, precede por 83 anos á Sociedade Rochdale Weavers
(Tecedores de Rochdale), fundada en Inglaterra en 1844 e xeralmente acreditada
como a primeira cooperativa financeira. Tamén precede por 89 anos ás primeiras
cooperativas de aforro e crédito formais, fundadas en Alemaña en 1850 polo
economista Franz Hermann Schulze-Delitzsch.
A Cooperativa Fenwick Weavers xurdiu da necesidade durante
os difíciles tempos económicos, para asegurar un mellor estándar de vida e un
futuro máis seguro a través da cooperación mutua dos seus socios.
Durante os seus primeiros días, os socios das cooperativas
reuníanse arredor da bomba de auga do pobo, que era o único lugar onde se
podían reunir sen levantar sospeitas, para conversar sobre asuntos da cooperativa.
Os estatutos da cooperativa describen varios dos principios
operativos da organización, incluídos a necesidade de honestidade, lealdade dos
socios, prezos xustos, toma de decisións por maioría e contribucións periódicas
a un fondo para os pobres. Para reunirse, os socios pagaban dous xilíns e seis
peniques, os cales se destinaban a financiar a cooperativa. O 9 de novembro de
1769, asinouse outro documento, estipulando que a cooperativa podía comprar
comida a granel para distribuíla entre os seus socios, aos cales lles sería
permitido catro semanas de crédito antes de pagar pola compra.
Tamén existe documentación que mostra que os socios podían
recibir préstamos outorgados a taxas fixas con fondos provenientes da
cooperativa. Os documentos encóntranse na Biblioteca Nacional e cre que son as
primeiras instancias rexistradas de actividades de cooperativas de aforro e
crédito no mundo.
En 1839, o panorama económico para o negocio individual de
tecidos tornouse sombrío. A cooperativa estableceu unha sociedade de emigración
que axudou aos seus socios a trasladarse a Canadá, Nova Zelandia, África do Sur
e os Estados Unidos. A poboación de Fenwick reduciuse de 2.000 persoas a menos
de 500. Para 1873, a cooperativa cesou operacións e permaneceu pechada por 134
anos ata que Smith, por suxestión da súa neta, reviviu en 2007 a Cooperativa
Fenwick Weavers.
Actualmente, estase a traballar nun sitio web en
www.fenwickweaverscooperative.com. O grupo tamén espera un día establecer un
museo dedicado aos tecedores en Fenwick, como unha forma de fortalecer o legado
da cooperativa. "Falouse moito acerca da historia cooperativista e
esperamos que a nosa investigación sobre a Cooperativa Fenwick Weavers estimule
ás cooperativas de aforro e crédito de todas as partes a afondar un pouco máis
na súa propia historia", dixo Margaret Smyth, membro da xunta.
No hay comentarios:
Publicar un comentario