Os máis de 200 amantes dos vehículos clásicos que
participaron na concentración da Rúa tiveron o privilexio de ser os primeiros
en degustar o escumoso que, con uvas da variedade godello, elabora a Adega Cooperativa
Virxe das Viñas para comezar a conmemorar o seu medio século de vida, que
cumpre en xullo de 2014.
Chegaron en Ferrari, Austin, Porsche ou Seat 1.500,
así como noutros moitos modelos, incluídos as motos Montesa e un
autobúsPegaso. Utilizaron 124 vehículos, que na súa maioría partiron doBierzo, Lemos, Ourense,
Portugal ou Verín. Eles foron os afortunados que puideron saborear as
primeiras botellas que abriu a adega. A expedición foi organizada polo Motor
Club Rúa, que preside SantiagoÁlvarez Rodríguez, quen lamentou a
pobre resposta dos valdeorreses afeccionados aos coches de época, que tamén
os hai.
Durante a degustación, o enólogo da adega cooperativa, Julio Ricarte Mateu,
resumiu os plans de Virxe das Viñas. Pasan por elaborar 1.004 botellas dun
escumoso preparado coa única finalidade de celebrar o medio século de vida que
cumprirá en xullo de 2014. Os 630 socios que continúan activos saborearán a
gran maioría dun produto creado para premiar a súa fidelidade. Tamén estarán á
venda, aínda que serán as menos, pois apenas alcanzarán os dous centenares. En
todo caso, aínda hai que esperar a decembro para valorar se o resultado
acompañou os esforzos da adega, pois ese mes foi o elixido para iniciar a súa
distribución. A proba de onte foi forzada. Buscou premiar a visita dos
vehículos clásicos, unha cita, que foi incluída no programa da XVI Feira do Viño
de Valdeorras. 'Quixemos dalos a probar algo distinto', dixo Julio Ricarte.
O enólogo de Virxe das Viñas tamén explicou que o proceso de elaboración
comezou en setembro de 2012, cunha fermentación natural sen azucre. Despois de
fermentar nun depósito e do seu embotellado, o escumoso foi sometido á fase de
asentado, un proceso no que continuará ata que os empregados volvan mover as
botellas para o decantado. Posteriormente, chegará a súa distribución.
O escumoso de Virxe das Viñas aínda non ten nome. Aínda hai tempo para buscar a
marca máis axeitada, aínda que na adega xa pensan que debe gardar relación co
motivo do seu embotellado: o seu 50 aniversario.
fonte: La Región
No hay comentarios:
Publicar un comentario