A Cooperativa de Aforro e Crédito Fenwick Weavers de Escocia celebrou os seus 250 anos

A sociedade cooperativa Fenwick Weavers (Tecedores de Fenwick), unha cooperativa dedicada á confección de tecidos, fundada en Fenwick, Ayrshire, Escocia, en 1761, está a celebrar este ano o seu 250 aniversario. Sobre a base da documentación histórica da actividade financeira da cooperativa, que agora se encontra na Biblioteca Nacional de Escocia, a Cooperativa Fenwick Weavers tamén alega ser a primeira cooperativa de aforro e crédito do mundo, de acordo con aqueles que están actualmente involucrados no programa do legado da cooperativa.

"Todo o mundo necesita coñecer onde están as súas raíces e a Cooperativa Fenwick Weavers é recoñecida como a cooperativa financeira máis antiga do mundo", dixo John Smith, un empregado xubilado que adoitaba traballar na liña de ensamblaxe dos sistemas aeroespaciais británicos e residente de toda unha vida en Fenwick, quen está a encabezar de forma voluntaria o esforzo actual para revivir o legado da cooperativa. "O pasado non debe morrer, senón que debe seguir para as futuras xeracións".

Xunto con John McFadzean, Smith é coautor do folleto de 32 páxinas titulado 'Unha historia da Cooperativa Fenwick Weavers'. Smith e varios membros da xunta de Fenwick Weavers, que xa non é unha cooperativa activa, foi o encargado o mes pasado dun cubículo na Conferencia Mundial de Cooperativas de Aforro e Crédito do Consello Mundial de Cooperativas de Aforro e Crédito (WOCCU) en Glasgow, Escocia, onde distribuíron copias da publicación.

John Smith (centro), da Cooperativa Fenwick Weavers, explica a historia da primeira cooperativa financeira do mundo aos asistentes á Conferencia Mundial de Cooperativas de Aforro e Crédito en Glasgow, Escocia.

As Cooperativas de Ensino

Vamos falar dalgunha das Cooperativas de Ensino da nosa provincia, Ourense.

Guillelme Brown

No COLEXIO GUILLELME BROWN fundíronse durante anos os esforzos e ilusións de nenos e nenas, profesores, pais,antigos alumnos, colaboradores e amigos, cunha mesma finalidade: A procura da Calidade Educativa

Arredor desta idea nace o COLEXIO GUILLELME BROWN no ano 1987 como unha Sociedade Cooperativa, un centro privado, mixto, non confesional, independente, non vencellado a ningunha ideoloxía política ou relixiosa pero si aberto a todas as liñas de pensamento baseadas na ética democrática e nos principios da Declaración dos Dereitos do Home.

O COLEXIO GUILLELME BROWN está situado nun entorno natural, a tres quilómetros de Ourense. Ocupa unha finca de 21.000 metros cadrados con zonas de bosque autóctono, espazos axardinados, charcas, horto, parque infantil, piscinas, pavillón polideportivo cuberto, pista polideportiva exterior e unha ampla gama de instalacións que inclúen comedor, biblioteca, laboratorio de ciencias, taller de tecnoloxía, aulas específicas de idiomas, ciencias sociais, ballet, psicomotricidade, informática,música, plástica...

Entenden o colexio como unha comunidade viva de educadores e educandos, na que predomina o aspecto FORMATIVO fronte ao instrutivo; o DIÁLOGO fronte á imposición; a CONVIVENCIA harmoniosa fronte ao individualismo egoísta. Son valores incuestionables: a tolerancia, a solidariedade, a democracia, a igualdade, a liberdade de conciencia, a libre discusión sen dogmatismos, en definitiva, a educación para a liberdade.

CO.SA.GA. Cooperativa Sanitaria de Galicia

A Cooperativa xorde en 1985, como consecuencia da convicción dun grupo de profesionais vinculados á sanidade, de que o mellor xeito de prestar un servizo de calidade aos seus pacientes é traballar en equipo.

MEDICINA EN EQUIPO:

Este concepto, MEDICINA EN EQUIPO, segue sendo hoxe en día o seu principal sinal de identidade. E poden dicir con enorme satisfacción, que non se equivocaron.

A súa concepción, un tanto especial, non é un mero exercicio teórico senón que a condición de Cooperativa, fai que cada ano reinvistan na propia actividade os excedentes que xeran, e na mellora das súas instalacións e equipos.

CREEN NUNHA MEDICINA QUE NON CURA ENFERMIDADES, SENÓN QUE CURA PERSOAS ENFERMAS:

Creen nunha Medicina que non cura enfermidades, senón que cura persoas enfermas, no sentido etimolóxico da palabra Medicina, non só significa curar senón tamén coidar, e isto é ao que se dedican na Cooperativa Sanitaria de Galicia, coidan e intentan curar persoas que necesitan a axuda dos seus profesionais.

Pedro López Espiño defende o cooperativismo na construción.

«O mesmo piso custa 180.000 euros nunha cooperativa e 280.000 nunha promotora». Defende a calidade e o prezo das vivendas promovidas por cooperativas.

Pedro López Espiño non morde a lingua. Policía retirado, hoxe dedícase por enteiro á cooperativa Parque Ofimático, onde espera levantar un edificio como xa fixo outras veces, en Eirís ou en Catro Camiños.

Despensas sostibles e de calidade

Unhas mil familias galegas intégranse en cooperativas de consumo agroecolóxico para abastecerse de produtos frescos e sen intermediarios.

Dende que nos 80 o consumo agroecolóxico comezou a dar os seus primeiros pasos en España a súa expansión foi silenciosa pero constante, e mesmo en tempos de crise as asociacións e cooperativas ecolóxicas lograron manter o seu crecemento entre un 8% e un 20% anual. ¿A clave? Produtos frescos, de calidade e a un prezo que, ao contrario do que se pensa, non necesariamente sae máis caro que o dispoñible nas grandes superficies. 

Ao redor dun millar de familias galegas aposta xa por encher a súa neveira de forma responsable e con criterios sostibles. A fórmula elixida por estes consumidores elimina intermediarios e permite garantir a agricultores e gandeiros un prezo mínimo polos seus produtos.

Promotores e membros das principais cooperativas agroecolóxicas que funcionan en Galicia, como Árbore, en Vigo, con 330 socios, A Xoaniña, en Ferrol, cuns 200, ou A Cova dá Terra, de Lugo, con 160 unidades de consumo, sosteñen que se pode chegar a aforrar ata un 30%. 

A fórmula para conseguir o maior nivel de aforro, explican, consiste en integrarse no tecido asociativo, orientar axeitadamente a forma de consumir e optar na medida do posible por produtos de tempada e a granel. "O sistema cooperativo pon solucións reais ao nivel de calidade e prezo pero falta moito consumo consciente e coñecemento", explica Diego Alonso, de Árbore.

A cooperativa viguesa Árbore vende productos ecolóxicos aos seus socios