Un grupo de parados crea unha Cooperativa de Distribución

Preséntovos a Iniciativa social para o ecoempleo ISOECO. Os impulsores desta iniciativa son desempregados que se agruparon recuperando un terreo ecolóxico que estaba a punto de perderse, debido á reducida marxe de beneficio que estaba a afogar os seus propietarios.

Co proxecto ISOECO volveron producir e pretenden tecer redes de autoconsumo baseadas na relacion directa entre o campo e a cidade, entre produtor e consumidor.

Un grupo de parados de Murcia loita por encontrar un oco no mercado laboral sen renunciar á utopía. Fronte aos que insisten en que só hai un camiño para saír da crise, este proxecto pretende crear traballo decente a través da distribución xusta de produtos agro-ecolóxicos.

Varios membros da Asemblea de Persoas Paradas de Molina de Segura (Murcia) decatáronse coa denuncia e a reivindicación de que non abondaba, senón que había que acompañar estas accións con «a creación de alternativas». ISOECO naceu no ano 2011, «ante a dificultade de encontrar traballo e a convicción de que só a través de inventarnos o noso propio traballo poderiamos reinserirnos no mercado laboral», en palabras dun dos seus impulsores, José Coy.

O colectivo que hoxe move a iniciativa está formada por parados que se recoñecen «en risco de exclusión» (a maioría con máis de 45 anos de idade). Algúns traballaron na agricultura, outros no comercio, as artes gráficas, os servizos e ata no Terceiro Sector. Tamén coincidiron persoas con traballo aos que lles seduciu a formulación de ISOECO e se converteron en «voluntarios».

A Cooperativa Fagor

Historia:

Fagor Electrodomésticos é a empresa máis señera da Corporación Mondragon, xa que foi a empresa pioneira desta corporación e aínda hoxe en día segue sendo unha das máis importantes. Xurdiu en outubro de 1956 cando cinco ex-estudantes da escola profesional de Mondragón: Luis Usatorre, Jesús Larrañaga, Alfonso Gorroñogoitia, José María Ormaetxea e Javier Ortubay, compraron o taller Otalora situado en Vitoria-Gasteiz e que posuía licenza para construír aparatos de uso doméstico. Chamaron a empresa Talleres Ulgor, palabra formada polas iniciais dos seus apelidos.

En 1959, imbuídos nas ideas de José María Arizmendiarrieta, fundador da escola profesional, transformaron a empresa en cooperativa. O taller de Vitoria trasladouse a Mondragón e en 1959 rexistraron como marca Fagor, despois de que lles fose imposible rexistrar Tagor. A empresa sería coñecida a partir de entón como Fagor, aínda que oficialmente continuou sendo Ulgor ata 1990.

Fagor sería a cooperativa máis dinámica das que se fundaron en Mondragón naquela época, contribuíu decisivamente a formación doutras cooperativas, á da Caixa Laboral en 1959, a Escola Politécnica en 1964 e o embrión de MCC no mesmo ano.

Marcas:

Fagor Electrodomésticos posúe numerosas marcas. A nivel internacional as súas dúas marcas principais e máis coñecidas son Fagor e Brandt, sendo a primeira delas ademais unha marca de primeira orde en España e a segunda en Francia. De Dietrich é outra marca internacional que vén a ocupar un nicho máis alto de mercado.

En España posúe outras dúas marcas asentadas: Aspes e Edesa. Edesa é a segunda marca de Fagor, que a partir de 2006 vai orientarse cara á clientela nova. Aspes vén a ser a marca do segmento medio-baixo de mercado.

En Francia posúe outras dúas marcas coñecidas: Sauter unha marca de cociñas e Vedette de lavadoras.

En Italia Ocean orientada a mozos e SanGiorgio, de lavadoras.

Por último para Polonia e mercados do leste posúe a marca Mastercook.

COFAGA, Cooperativa Farmacéutica Galega

COFAGA é a cooperativa farmacéutica máis antiga de Galicia. Dedicada á distribución de produtos farmacéuticos e parafarmacéuticos, acumula dende 1942 longos anos de historia nos que se posicionou como líder do seu sector na nosa rexión.

COFAGA, como cooperativa que é, busca beneficios económicos e de servizos para os seus socios, que son os donos da empresa, e, en consecuencia os perceptores finais dos éxitos. Actualmente son máis de 630 os socios, e un catálogo de referencias vivas con máis de 25.000 produtos que inclúen especialidades farmacéuticas e produtos de parafarmacia.

Desafíos de futuro para as cooperativas de consumo

Hispacoop celebrou o pasado 28 de xuño, en Bilbao, a Conferencia "Desafíos de futuro para as cooperativas de consumo" no marco do Ano Internacional das Cooperativas.

Nela analizáronse os desafíos que deberán afrontar as cooperativas de consumidores e usuarios nun futuro próximo, ante un escenario socio-económico cambiante que se reflicte nos efectos da globalización dos mercados e a transnacionalización das relacións comerciais, as repercusións da crise económica, do cambio climático e a revolución das novas tecnoloxías.

Francisco Etxaniz, Presidente de Hispacoop, asegurou na inaguración que "estes cambios afectan ás condicións de competitividade das cooperativas de consumo" polo que deben "adaptarse a este novo ámbito, co fin de non perder o ritmo do mercado, sen ter que renunciar ás súas características propias e aos valores cooperativos que as fan diferentes".

As cooperativas de Galicia xeran xa 28.000 empregos

O cooperativismo, que conta xa con 80.000 socios na comunidade, converteuse nunha fórmula para facer fronte á crise, segundo a Consellería de Traballo e Benestar. O departamento que dirixe Beatriz Mato destacou que as 1.150 cooperativas existentes en Galicia xeran xa 28.000 postos de traballo directos e contan con 80.000 socios.

Odilo Martiñá, director xeral de Relacións Laborais, asegura que o cooperativismo se converteu nunha fórmula para facer fronte á crise polos seus modelos de financiamento e por ser unha fórmula máis flexible para adaptarse aos cambios. «Trátase de modelos que resisten mellor a crise», sostivo onte.

A Consellería de Traballo considera "proba do bo comportamento" desta fórmula de economía social a evolución que experimentou durante o pasado exercicio, período no que se constituíron 41 novas cooperativas en Galicia e o número de socios se duplicou en relación co ano anterior. O incremento consistiu en pasar de 715 a 1.562 individuos involucrados nalgún destes novos proxectos asociativos.

A cooperativa Os Irmandiños, fundada en Ribadeo en 1976 e que factura 30 millóns ao ano por servizos agrarios, recibiu, este ano, o premio á promoción do cooperativismo. Tamén foron galardoados Sonaxe (Boiro), Máis Galicia (A Coruña) e Nova Aseconia (Santiago).