Bases reguladoras dos programas de incentivos ao autoemprego colectivo das persoas mozas inscritas no Sistema Nacional de Garantía Xuvenil

Esta orde ten por obxecto establecer as bases reguladoras e proceder á convocatoria para o ano 2015 das subvencións para o fomento do autoemprego en cooperativas e sociedades laborais da mocidade inscrita no Sistema Nacional de Garantía Xuvenil.

Programas de subvencións:

a) I: programa de incorporación a cooperativas e sociedades laborais (procedemento TR807G).

b) II: programa de fomento do emprendemento (procedemento TR807H).

Beneficiarias

1. Poderanse acoller ás subvencións previstas nesta orde:

a) As sociedades cooperativas galegas e sociedades laborais para as actuacións previstas no programa I.

b) Os mozos e mozas inscritos no Sistema Nacional de Garantía Xuvenil, para as actuacións previstas no programa II.

Resumo das principais bases das Subvencións para o fomento do emprego en cooperativas e sociedades laborais e a promoción do cooperativismo

Artigo 1. Obxecto e finalidade

1. Esta orde ten por obxecto establecer as bases reguladoras e a convocatoria das subvencións establecidas pola Consellería de Traballo e Benestar, coa finalidade de fomentar a incorporación de persoas desempregadas e persoas traballadoras temporais a cooperativas e sociedades laborais e apoiar o desenvolvemento de proxectos de emprendemento.

2. Establécense os seguintes programas:

I: Programa de fomento do emprego en cooperativas e sociedades laborais (procedemento TR802G): 

Este programa de subvencións está dirixido a fomentar a incorporación de persoas desempregadas e de traballadores e traballadoras con carácter temporal como socios e socias traballadoras ou de traballo de cooperativas ou sociedades laborais, con carácter indefinido.

A contía da subvención será de 5.500 € por cada persoa que se incorpore a xornada completa. Estas contías veranse incrementadas do seguinte xeito:

a) Cando a persoa incorporada sexa unha muller, a contía da subvención incrementarase en 1.500 € ata 7.000 €.

b) No caso de persoas en situación de exclusión social pertencentes a algún dos colectivos recollidos no Programa de fomento do emprego vixente no momento da incorporación como socio, a contía da subvención incrementarase en 2.500 € ata 8.000 €.

c) No caso de persoas con discapacidade igual ou superior ao 33 %, a contía da subvención incrementarase en 4.500 € ata 10.000 €.

II: Programa de fomento do acceso á condición de persoa socia (procedemento TR802J): 

Este programa de subvencións está dirixido ao fomento do acceso á condición de socios e socias traballadoras ou de traballo, de cooperativas ou de sociedades laborais, así como ao fomento do acceso de persoas emprendedoras por conta propia á condición de socias de cooperativas. Este acceso facilítase mediante o financiamento das achegas económicas ao capital social que debe desembolsarse para a incorporación como socio ou socia.

A contía das subvencións para as beneficiarias previstas poderá ascender ata 4.500 € para a incorporación a unha cooperativa e ata 3.000 € para a incorporación a unha sociedade laboral.

III: Programa de impulso de proxectos empresariais cooperativos e asistencia técnica (procedemento TR807D).

Este programa de subvencións está dirixido a fomentar o cooperativismo e a economía social, concedendo subvencións que faciliten a posta en marcha dos proxectos empresariais, tanto de nova creación como xerados polas cooperativas e sociedades laborais existentes.

1. Subvención para gastos de constitución: Poderán subvencionarse ata o 75 % dos gastos ocasionados.

2. Poderá subvencionarse ata o 75 % dos seguintes gastos: Elaboración de estudos de viabilidade, de organización, de comercialización, auditorías e outros informes de natureza análoga, necesarios para a posta en marcha dos proxectos empresariais. Elaboración dos estatutos sociais e regulamentos de réxime interno necesarios para a posta en marcha dos proxectos empresariais, ata un máximo de 2.000 €.

IV: Programa de promoción das cooperativas xuvenís (procedemento TR807E).

Este programa de subvencións está dirixido a apoiar o desenvolvemento de proxectos de creación de cooperativas xuvenís mediante subvencións para financiar os custos derivados do lanzamento da actividade.

Obxecto e contía das subvencións

1. Poderá concederse unha subvención directa para financiar parcialmente os gastos correntes derivados do inicio da actividade ata un importe máximo do 75 % do seu custo, excluídos impostos. Poderán ser obxecto de subvención os seguintes gastos correntes:

a) Arrendamento e mantemento de locais, instalacións, maquinaria e elementos de transporte.

b) Materias primas, embalaxes, envases e outros aprovisionamentos necesarios para a produción, agás os que sexan obxecto de simple comercialización.

c) Elaboración de material publicitario funxible e anuncios publicitarios nos medios de comunicación.

d) Seguros, gastos financeiros e bancarios.

e) Enerxía, comunicacións e transportes.

f) Material de oficina.

g) Consumibles para equipamentos informáticos e maquinaria.

h) Mantemento de equipamentos e sistemas para as tecnoloxías da información e as comunicacións, de páxinas web e de sistemas telemáticos de xestión e para o comercio electrónico.

i) Roupa de traballo e material funxible para a prevención de riscos laborais.

2. O importe máximo desta subvención será de 15.000 € por cooperativa beneficiaria.

Artigo 7. Solicitudes e prazo

1. As solicitudes de subvención deberán presentarse por separado para cada un dos programas desta orde nos modelos de solicitude que figuran como anexos, xunto coa documentación citada nesta orde, e dirixiranse ao órgano competente para resolver.

2. As solicitudes deberán presentarse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.es , de acordo co establecido nos artigos 27 da Lei 11/2007, do 22 de xuño, de acceso electrónico dos cidadáns aos servizos públicos, e 24 do Decreto 198/2010, 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes.

Opcionalmente, tamén se poderán presentar as solicitudes en soporte papel en calquera dos lugares e rexistros establecidos no artigo 38.4 da Lei 30/1992, do 26 de novembro, utilizando o formulario normalizado dispoñible na sede electrónica da Xunta de Galicia. En caso de enviarse por correo, o envío deberá ser certificado, co selo de Correos na primeira folla do formulario para garantir que a data de remisión é anterior á de peche da convocatoria.

Artigo 12. Resolución e recursos

1. A competencia para resolver as solicitudes corresponderalle á Dirección Xeral de Traballo e Economía Social por delegación da persoa titular da Consellería de Traballo e Benestar.

2. O prazo para resolver e notificar será de cinco meses desde a data de publicación desta orde no DOG. 

Máis información: DOG Xunta de Galicia

Xornada "O aproveitamento do mel" organizada pola OFC da Mancomunidade Terra de Celanova

Degustación de meles monoflorais con explicación da man de Beatriz Ríos, Técnico do Consello Regulador IXP Mel de Galicia, durante a xornada "O aproveitamento do mel" organizada pola Oficina de Fomento Cooperativo da Mancomunidade Terra de Celanova.

Recompilación de fotos da xornada "O aproveitamento do mel" no Multiusos de Casanova (Gomesende) coa colaboración da C.R. I.X.P. Mel de Galicia, Agrupación Apícola de Galicia, La Despensa de Milmanda e a Rede Eusumo

2ª edición da Xornada "O emprendemento dende unha perspectiva práctica" no IES de Celanova

Nace en Manzaneda a primeira cooperativa galega de turismo

Un momento do acto de presentación de TuTrives Cooperativa Galega en Manzaneda.

As paisaxes de montaña excepcionais que posúe Langullo (Manzaneda) levaron aos nove socios de TuTrives Cooperativa Galega, sociedade que eles mesmos definen como de "ecoturismo cooperativo" a elixir a adega Ladeira dá Mata para a súa presentación en sociedade. É a primeira cooperativa galega dedicada ao sector turístico e á elaboración de produtos locais, como a bica, os embutidos ou o viño. Explicouno a súa presidenta, Asunción Fernández. É propietaria do hotel rural trivés As Maceiras, unha das nove empresas implicadas no proxecto. As restantes son: Casa do Comediante (San Xoán de Río), restaurante O Pendón (Manzaneda), Adega Ladeira dá Mata (Manzaneda), Bicas de Trives, Panadaría Terras de Trives, Embutidos Pío (Trives), Casa Rural Os Trintas (Trives) e Pensión Baloira-Cafetería Quintela (Trives).

"Todos somos empresarios da bisbarra que queremos apostar polas nosas terras. É a única cooperativa de turismo e exaltación de produtos locais de Galicia", explicou Asunción Fernández Fernández. Non foi doado sacar adiante o proxecto cooperativo; confírmano os tres anos que houberon de transcorrer antes de estampar a última firma no documento de constitución. Os múltiples problemas que os seus impulsores, todos eles empresarios de distintos sectores, houberon de superar non fixeron rotura no seu interese. "É moi difícil crear unha cooperativa de gremios distintos, pero estamos todos envorcados", dixo a presidenta.

Crisis: Traballadores que compran as súas empresas

A crise levou moitas empresas españolas a unha situación económica moi precaria, e mesmo ao peche. Os traballadores, neses casos, teñen dúas opcións: ou buscar traballo ou montar algo pola súa conta. 

Non obstante, existe outra opción que parece estar a tomar cada vez máis forza: comprar a empresa e reflotala. Un xeito de facelo é constituír unha cooperativa de traballo, participada polos propios traballadores. 

Segundo a Federación de Cooperativas de Traballo de España (Coceta) existen en España unhas 75 empresas reconvertidas en cooperativas de traballo. Esta cifra só inclúe ás cooperativas federadas, polo que o número real deste tipo de entidades é con toda probabilidade maior. Quedan algunhas cooperativas históricas, creadas nos anos 80 no marco da reconversión industrial e a crise do petróleo, pero a maioría son recentes. 

Murcia é a rexión de Europa con máis empresas mercantís reconvertidas en cooperativas de traballo segundo o presidente de Coceta, Juan Antonio Pedreño, "ás cooperativas sempre se lles chamou as fillas da crise", porque "é en momentos de dificultades económicas cando os traballadores se ven obrigados a emprender para poder salvar o seu posto de traballo". 

España, vangarda de Europa en cooperativismo. Tal e como explica Pedreño, trátase de "un modelo de empresa con apenas 30 anos de vixencia en España", con permiso de Mondragón (Eroski), que dende a súa creación nos anos 60 se converteu na corporación cooperativa máis importante do mundo e dá traballo a 63.000 persoas no noso país. De feito, España é un dos países de Europa onde máis arraigou este modelo de emprendemento.

Segundo o Comité Europeo de Cooperativas de Produción, das 150 cooperativas de traballo creadas en toda Europa en 2012 e 2013, 75 eran españolas. En canto á súa difusión territorial, as comunidades con máis soleira e tradición cooperativista son Cataluña, Andalucía, País Vasco, Comunidade Valenciana, Navarra e Murcia, que aglutinan o 80% do emprego cooperativo en España. 

O caso de Murcia é paradigmático, xa que é a rexión de Europa con máis empresas mercantís reconvertidas en cooperativas de traballo, con 30 reconversións nos últimos dous anos e medio, segundo datos de Coceta. 

Xornada " O aproveitamento do Mel" anímate a participar!!!

Fotos da xornada do pasado día 6 no IES de Celanova - Celso Emilio Ferreiro

Traballo promove o potencial das cooperativas como fórmula de autoemprego e competitividade empresarial en Xantar 2015

A Consellería de Traballo e Benestar, a través do Consello Galego de Cooperativas, está a amosar o potencial da fórmula cooperativa en Xantar 2015, o Salón Internacional de Turismo Gastronómico que se celebra estes días en Expourense. Hoxe este evento celebra o Día das Cooperativas Galegas, ao que asistiu a directora xeral de Traballo e Economía Social, Carmen Bouso, acompañada polo delegado territorial da Xunta en Ourense, Rogelio Martínez.

A directora xeral de Traballo e Economía Social, Carmen Bouso, acompañada polo delegado territorial da Xunta en Ourense, Rogelio Martínez, asistiu hoxe ao acto central do Día das Cooperativas Galegas

Bouso destacou que o Consello Galego de Cooperativas está presente en Xantar 2015 para difundir os valores do cooperativismo como fórmula de autoemprego, equidade e competitividade empresarial. A responsable da área autonómica resaltou que o cooperativismo permite afrontar “con maiores garantías certas dificultades propias de calquera proxecto empresarial”, ao tempo que explicou que “é a mellor fórmula que soportou o envite da crise sendo, ademais, un sistema moi atractivo para os emprendedores”.

A directora xeral sinalou que os datos demostran o éxito das cooperativas explicando que a Consellería de Traballo e Benestar xa ten rexistradas 1.240 cooperativas, que suman máis de 90.000 socios e socias e xeran máis de 18.000 postos de traballo directos. Indicou, así mesmo, que a boa evolución desta fórmula colleu pulo no sector agroalimentario, no que na actualidade operan máis do 33 por cento das entidades. Precisamente, este sector é o que está representado en Xantar 2015, no stand do Consello Galego de Cooperativas.

“No campo agroalimentario a formación de cooperativas convértese nunha opción moi favorable para os pequenos produtores”, apuntou Bouso, explicando, entre outras vantaxes, que a cooperativa é o mecanismo que dá dimensión á produción e a fai competitiva; é a única vía efectiva de globalización dos pequenos agricultores; permite que as innovacións en técnicas de produción, comunicación e comercialización cheguen aos pequenos produtores; e é unha ferramenta eficaz de achegar financiamento ao sistema produtivo alimentario.

Para rematar, Bouso agradeceu a presenza ás nove cooperativas presentes no stand do Consello Galego de Cooperativas, onde se poden degustar os lácteos das sociedades cooperativas Campo Capela, Condado-Paradanta e Cooperativa Agraria Provincial da Coruña (Granxa O Cancelo); os viños de Bodegas Eidosela, Cooperativa Jesús Nazareno e Bodega Virxe das Viñas-A Rúa; a carne das cooperativas de Monte Cabalar; e os peixes e mariscos de Anaco e O Canto da Balea.

fonte: Novas Xunta de Galicia

A conselleira do Medio Rural e do Mar visitou as instalacións da Sociedade Cooperativa do sector mexilloeiro Amegrove

Máis de 100 empresas recibiron o ano pasado 26 millóns de euros en axudas para a transformación e comercialización de produtos da pesca, do marisqueo e da acuicultura. Así o adiantou esta mañá no Grove a conselleira do Medio Rural e do Mar, Rosa Quintana, nunha visita ás instalacións da Sociedade Cooperativa do sector mexilloeiro Amegrove, unha das empresas beneficiarias destas subvencións.

Rosa Quintana destacou que o importe destas achegas foi máis do dobre do destinado no ano 2013 polo mesmo concepto. Tamén explicou que o número de empresas beneficiarias destas subvencións incrementouse nun 30% respecto das que recibiron a axuda no 2013. Estes datos amosan a aposta decidida da Xunta por potenciar a competitividade no sector procesador galego, promovendo así o desenvolvemento económico, social e produtivo da nosa comunidade co fin de mellorar o benestar dos profesionais do mar.

A conselleira tamén fixo fincapé no aumento xeneralizado da produción de mexillón. Neste sentido, sinalou que as descargas deste molusco medraron máis dun 34% o ano pasado con respecto ao 2013, aumentando tamén a facturación en máis dun 37% neste período. Tamén se referiu á produción do Grupo Amegrove e destacou o aumento nun 74% da súa produción de mexillón no 2014 fronte ao ano, anterior incrementando a facturación en máis dun 56%.

Rede Apoio é unha cooperativa de formación e emprendemento nacida en Verín

Segundo unha organización de Cooperación Internacional, a favela Fortaleza, en Brasil, é a quinta cidade do mundo con maior poboación vivindo de ocupacións sen ningún tipo de contrato. Dos 2.448.920 de habitantes, 396.370 viven en favelas. Ou sexa, o 16,18% da poboación total, maior que a media nacional de Brasil que é do 6%. Esa realidade puidérona testar en outubro pasado os compoñentes de Rede Apoio, unha consultora de formación e emprendimiento que ten a súa sede en Verín, pero que puxo as suas miras en accións internacionais. No ano 2012 decidiron unir as súas forzas Daniel Diéguez (35 anos), Daniel Blanco (34) e Marcos Rodríguez (34) e crearon unha sociedade cooperativa que uniu a formación dos seus tres socios, dous arquitectos técnicos e o terceiro (Daniel Diéguez), licenciado en Administración e Dirección de Empresas.

O desenvolvemento de programas de formación e de estímulo do emprendemento foi o que lles levou a Brasil, toda unha experiencia para eles e un salto cualitativo para Rede Apoio. Explica Daniel Diéguez que a súa presenza no país carioca obedece á implicación nun proxecto social desenvolvido polo Insituto Povo do Mar. O seu traballo consistiu, en síntese, en potenciar as habilidades de nenos e mozos con graves deficiencias de integración, sobre todo pensando na súa futura capacitación laboral ou desenvolvemento das súas habilidades como emprendedores. Di Daniel Diéguez que abordamos con eles xogos de motivación e traballo en equipo porque na favela son moi competitivos entre eles e con problemas para colaborar". Entre as súas funcións tamén estivo a potenciación da creatividade, explicámoslles como funciona Internet, as redes sociais e como se pode desenvolver as capacidades de emprendemento no suposto que decidiran montar unha actividade empresarial".

Ese mesmo concepto levounos tamén a integrarse en programas noutros países cos que se pretendía sobre todo a integración dos máis novos que, na súa maioría, nin estudan nin traballan. Daniel Diéguez di que esa "é unha das grandes eivas da actualidade" e levan os seus proxectos formativos a Portugal e Italia, entre outros países.

Fotos da visita "Coñecendo as Cooperativas e as actividades viables" na Comarca do Salnés

Xornada "O emprendemento dende unha perspectiva práctica" no IES de Celanova - Celso Emilio Ferreiro

A Xunta destaca a enorme importancia de incentivar o emprendemento da muller rural coma unha garantía de futuro

A secretaria xeral de Igualdade, Susana López Abella destacou a importancia de potenciar o desenvolvemento profesional e o empoderamento das mulleres rurais en todos os ámbitos da actividade económica.

Susana López Abella participou no Taller formativo “Igualdade, Liderado e Xestión de Cooperativas”, que tivo lugar na Adega Condes de Albarei

Susana López Abella participou no Taller formativo “Igualdade, Liderado e Xestión de Cooperativas”, que tivo lugar na Adega Condes de Albarei, e onde tamén participaron o xerente de Agaca, Higinio Mougán e a presidenta de Condes de Albarei, Dolores Calvo, onde destacou que mellorar a situación das mulleres rurais significa entender o seu valor, fomentar a súa visualización e empoderamento, apostar pola súa capacidade para emprender e facilitar a conciliación da vida persoal, familiar e laboral.

A titular de Igualdade incidiu na importancia deste obradoiro que ten coma obxectivo o empoderamento e a capacitación para a xestión empresarial das socias ou mulleres vinculadas á cooperativa, dende a perspectiva da igualdade. Polo que destacou que para abordar o reto do emprendemento e fomentar o liderado das mulleres nos órganos de decisión das sociedades cooperativas do sector agroalimentario, é de vital importancia que se aborden temáticas relacionadas co liderado e a xestión das cooperativas.

A Sociedade Cooperativa Martín Códax supera auditorías de seguridade alimentaria

Adegas Martín Códax emitiu onte un comunicado para informar de que superou, e con sobresaínte, as dúas auditorías de seguridade alimentaria ás que se acaba de someter.

A cooperativa cambadesa obtivo un grao A, o mellor que se pode conseguir, na British Retail Consortium (BRC), o sistema de seguridade alimentaria creado pola Asociación do Comercio para detallistas do Reino Unido.

No caso da International Food Standard (IFS), Martín Códax recibiu unha sobresaínte nota de 98,18 puntos sobre cen. Esta certificación de calidade foi creada polas cadeas de distribución alemás e francesas e é aceptada ademais en Italia e Holanda.

A obtención destas excelentes cualificacións permitirá á adega acceder a novos mercados.

fonte: La Voz de Galicia

Cartel e díptico da visita "Coñecendo as Cooperativas e as actividades viables"

Programa de actividades da Oficina de Fomento Cooperativo para o ano 2015

Xornada en Santiago de Compostela "A FÓRMULA COOPERATIVA NOS SERVIZOS SOCIAIS"

Novos cursos de formación ofertados por UGACOTA

UGACOTA inicia a súa programación de formación para este ano 2015.

Dirixida a: Persoas socias e asalariadas de empresas e entidades da economía social: cooperativas, mutualidades,  fundacións e asociacións, sociedades laborais, empresas de inserción, centros especiais de emprego,  confrarías de pescadores,  sociedades agrarias de transformación e outras entidades singulares adscritas aos principios da economía social.

Resérvase tamén unha porcentaxe de entre o 20 e o 40% de prazas totais do Plan para persoas en situación de desemprego.

– Contrato Programa Autonómico PF-2014/000025. Financiado pola Dirección Xeral de Emprego e Formación da Consellería de Traballo e Benestar e polo Fondo Social Europeo.

Non é posible cursar máis dun curso ao mesmo tempo  desta programación.

O  proceso de selección de participantes ven  establecido pola orde de Convocatoria (artigo 6 da orde de 24 de outubro de 2014).

– Formación Continua Estatal EXPEDIENTE F140124AA, enmarcada no convenio asinado entre a Confederación COCETA e a Fundación Tripartita .

fonte: UGACOTA

COCETA lanza un vídeo para explicar o cooperativismo á mocidade

A Confederación Española de Cooperativas de Traballo Asociado (COCETA) lanzou o vídeo " Por que unha cooperativa? ". Nel un grupo de mozos e mozas explican dun xeito ameno e sinxelo, con actores, a opción que ten a mocidade de formar unha cooperativa de traballo, sobre todo en tempos de crise e cando non parece haber moitas alternativas máis que irse do país. 

O vídeo pode usarse en cursos ou en actos para promover o cooperativismo de traballo, sobre todo no sector da xuventude, onde se atopa a maioría do desemprego, que afecta ao 50% da poboación desta franxa de idade. 

Fonte: www.empresaytrabajo.coop

Obradoiro "Creando unha web autoxestionable para a túa cooperativa" na aula Cemit de Ourense

As cooperativas produtoras de mel xa poden acollerse ás novas axudas da Xunta de Galicia

O deputado autonómico e voceiro de Montes no Grupo Parlamentario Popular, José Manuel Balseiro, animou esta mañá aos produtores de mel a acollerse á liña de axudas posta en marcha pola Xunta de Galicia para a mellora da produción e a comercialización apícola.

Hoxe, o Goberno de Feijoo abriu o prazo de solicitude destas axudas económicas que poderán solicitarse durante todo o mes, conforme á orde de convocatoria publicada no DOG.

Entre as actuacións que poden ser obxecto de subvención: asistencia técnica aos apicultores, a través das súas organizacións, en concreto para a contratación de especialistas para información de apoio en actuacións de vixilancia e control da avespa asiática. Outra liña de actuación obxecto de axuda é a destinada á loita contra a enfermidade da varroasis e actividades ligadas a un programa sanitario supervisado por un veterinario responsable da súa correcta aplicación e funcionamento. Ademais, hai previstas axudas económicas para a identificación das colmeas e os marcos, para investimentos en equipamentos de uso exclusivo para a manipulación de colmeas, para a renovación de cera mediante a adquisición de láminas, para a adquisición de material de identificación de colmeas e medios de transporte e manexo de operacións apícolas. Tamén consideran axudas para a subscrición de seguros de danos propios e responsabilidade civil das colmeas.

Os beneficiarios poderán ser todas as persoas físicas ou xurídicas titulares de explotacións apícolas e as cooperativas, organizacións representativas e asociacións de apicultores.

fonte: La Voz de Galicia

O Consello Galego de Cooperativas reuniuse para abordar o anteproxecto de Lei da Economía Social

O Consello Galego de Cooperativas mantivo unha xuntanza ordinaria do Pleno, ao que asistiu a directora xeral de Traballo e Economía Social, Carmen Bouso. Na xuntanza abordáronse diferentes asuntos entre os que destacaron o anteproxecto de Lei da Economía Social de Galicia e as convocatorias dos ‘Premios á Cooperación 2015’, do ‘Concurso de Iniciativas Cooperativas 2015’ e do certame ‘Cooperativismo no ensino 2015’.

O Consello Galego de Cooperativas reúnese para abordar o anteproxecto de Lei da Economía Social

Con respecto ao anteproxecto de Lei de Economía Social, Bouso resaltou que é unha normativa que converterá a Galicia na primeira comunidade autónoma en contar cunha lei destas características. Os seus principais obxectivos son o fomento da economía social; a súa posta en valor, dándolle a relevancia social que merece; e a integración do sector, que ata agora estaba disperso, facilitando, así, a súa representatividade e participación institucional.

fonte: Novas Xunta de Galicia

As cooperativas agrarias de Castela e León crecen un 11,9% en facturación nos dous últimos anos

A pesar da crise económica e do seu impacto no consumo alimentario, as cooperativas agroalimentarias de Castela e León gañaron cota de mercado. Nos dous últimos anos o seu crecemento a nivel económico foi dun 11,9%, pasando de facturar 2.122 millóns de euros a máis de 2.375.

Estádevos datos, segundo a Unión Rexional de Cooperativas Agrarias de Castela e León (Urcacyl) reflicten a solidez desta fórmula empresarial, que mostra unha maior resistencia ás crises. A iso hai que engadir unha maior presenza das cooperativas na transformación dos produtos agrarios e nos mercados internacionais.

Por sectores as cooperativas de Castela e León facturaron: en cultivos herbáceos 586 millóns; en alimentación animal 403,5; en subministracións, 359,9; en azucre e remolacha 196,6; en ovino 279,2, en vacún de carne e leite 167,3; en porcino 153,3; en viños 68,8; en froitas 33,5; en avícola 31,9 e noutros sectores 108,6.

Para Urcacyl, 2014 estivo marcado polas incertezas que xerou a nova Política Agraria Común que comezará a aplicarse en 2015, e polos baixos prezos no sector agrícola.

Na parte positiva, Urcacyl resalta, a integración cooperativa para conseguir a desexada reestruturación do cooperativismo agrario. Así, si o Ministerio regulou os requisitos que debe cumprir unha Entidade Asociativa Prioritaria a nivel nacional, a conselleira de Agricultura, Silvia Clemente, "foi sensible" ás necesidades do cooperativismo e incorporou no artigo 158 da Lei Agraria a creación de Entidades Asociativas Agroalimentarias Prioritarias de carácter rexional. Esta fórmula, que fora demandada dende Urcacyl polas súas entidades asociativas, vai permitir o crecemento das cooperativas e das actividades agropecuarias que desenvolven, e que nos próximos meses será regulada regulamentariamente.